Høgskolen i Vestfolds skriftserie : utgivelser
i 2001
Sveinung
Nordstoga:
Litteraturhistoria på ungdomssteget -
gammal tradisjon i ny innpakking?
Ein analyse av tre nye norskverk
Tilgjengelig
i fulltekst
Rapport 4/2001
62 s.
ISBN papirutgave:
82-7860-050-3
Om rapporten:
I rapporten undersøker
korleis ein framstiller litteraturhistoria i tre norskverk for ungdomssteget.
Dei tre verka er valde ut nokså tilfeldig. Frå saga til CD
er det som sel mest. Gjennom språket er utradisjonell med tanke
på emneorganiseringa og Pegasus går for å vera vanskeleg.
Forfattaren har valt
tre sentrale innfallsvinklar. Den eine prøver å seia noko
om sjølve språket og framstillinga ved at han tek utgangspunkt
i potensielle meiningsskapande og ikkje- meiningsskapande element i teksten,
alt ut frå ei førestilling om ein modell-lesar - som sjølvsagt
ikkje finst. Den andre problemstillinga er å undersøke kva
for sjangerbruk ein finn i disiplinen. Den tredje innretninga er å
undersøke kva for litteraturhistorie ein formidlar og kva for litteraturhistoriografisk
metode ein bruker i så måte.
Eit grunnleggande
spørsmål blir: kva for litteraturhistorie er elevane tent
med? korleis bør ei litteraturhistorie for ungdomsskuleelevar sjå
ut? For å svare på dette må ein gå inn i klasserommet
for å studere praksis. Rapporten er ein teoretisk studie og må
vurderast som det.
Bak forfattarens
vurderingar ligg det eit kvalitativt syn på litteraturhistorie.
Litteraturhistoria må vera tekstnær, med eit klart historisk
feste, den må ha ein neddempa biografi og den må sjå
vidt og romsleg på periodiseringsspørsmålet. Samstundes
bør ein bruke forteljinga for å skape interesse for stoffet
og for å gje innsikt om emnet, men dette må balanserast opp
mot bruk av tekstdøme og understreking av tekstanes historiske
plassering.
Dette er også eit legitimitetsspørsmål. Korleis skal
disiplinen kunna forsvare sin plass i ei tid der historias vindar bles
sterkare enn nokon gong? Korleis kjem disiplinen ut i så måte
i desse norskverka?
Om forfattaren:
Sveinung Nordstoga
(f.1954) er cand. polit., ansatt ved Høgskolen i Telemark. Han
har arbeidd som norsklærar i videregåande skole og er no høgskolelektor
i norsk ved Høgskolen i Telemark, avdeling for lærarutdanning
Copyright: Forfatteren/Høgskolen i Vestfold
Denne
publikasjonen er tilgjengelig i fulltekst
[ Tilbake
til publikasjons-/bestillingsliste ]
|